Viktor Shapoval

SHTAR GILJA


 
Osnjakiri gily
(Paul Verlaine, francuzytkonjatyr)
 
Syr dena hundja
Tyre bashadja,
Miri tu osin',
Chingren jilore
Tyre nasvale
Gudlore glosja.
 
Saro me izdrav
Dre dar, syr shunav:
Marel o chaso.
Mri baxt nashady,
Mri dukh djangady
Phenel man: "Na sov!"
 
Psirav dre jasva
Pro drom adava,
Kaj sykavela
Balval - e chupny,
Joj man syr patrin
Shuko tradela...
 
Gimno vash Rossijakiri Fdracija
 
Rossija sy svjato amari drzhava,
Rossija sy Phuv amari kamlori!
Bari tyri zor, zoraly tyri slava -
Pre but shelbersha mishtypen-baxt tyri.
 
Baxt tuke, Phuv amari, jav voljasa,
Daj manushenge-pshalenge lachi!
Phure dadendyr ame sam godjasa!
Baxt tuke, Phuv, te patyv but chachi!
 
Ko tate panja pashratjakre ivendyr
Pashle sy vesha, barvaly rig bari.
Tu san jkhori, lachdyr tu vavrendyr,
Devel tut rakhel, Rodno Phuv amari!
 
Droma te rodas peske baxt, kaj dzhivasa,
Bersha sykavena amenge shukir.
Amenge zor dela da Phuv, la kamasa,
Avela adjak, na avela vavir!
 
Na romanes keresa, more...
 
- Na romanes keresa, more,
Muser bravinta zalpa p's!
- Tu kokoro adjak keresa,
Patyv pshaleske na otdes!
 
I duj mursha zasporinena,
Lav piro lav, dykh! mariben...
Mro Devla, so jone kerena?..
Tume adjake na keren!
 
Jekh dad, jkh dajori tumende,
Jekhe marestyr barine.
Koli jkh drom lacho pshalende,
Baxt doresena duj-dzhine.
 
Karik me djava, o raklo terno?
 
Karik me djava, o raklo terno?
Adadyves i o kham sy xarkuno!
Karik te djav, kaj lovore te lav?
Dro baro foro drom nane, jkh lav!
 
Karik te djav, kaj lovore te lav?
Dro baro sveto baxt nane, jkh lav!
 
Lathava peske me lava neve,
Te dav gadjske, te lav lovore.
Khere pale javava, syr o raj:
Jekh mol dzhivava - akana-adaj.
 
Karik te djav, kaj lovore te lav?
Dro baro sveto baxt nane, jkh lav!
 
Adjake kana paruvava, phene!
Pal jkh hasprin biknava zhuzho rat.
Haljov, n prodajotsja vdoxnovn'j,
No mozhno, Devla, rukopis' prodat'!
 
Karik te djav, kaj lovore te lav?
Dro baro sveto baxt nane, jkh lav!
 

.